AEBko inperialismoari ez!
Txartelarekin ordaintzean, ezinbestean AEBetako enpresa kapitalisten (Visa, Mastercard) makineria inperialista elikatzen dugu.
HEMEN EZ DUGU TXARTELARIK ONARTZEN!
AEB-ko inperialismoaren aurka eta herriko ekonomia babesteko, eskudiruz ordaindu.
Manifestua
Txosnagunean, gure eredu propioak eraikitzen ditugun gune honetan, txartelarekin ordaintzeari uko egiteko deia luzatzen dugu. Gure arrazoi nagusia argia da: txartelaren bidezko ordainketa bakoitzak gure dirua eta datuak ezinbestean AEBetako multinazionalen (Visa edo Mastercard bezalakoen) eskuetatik pasarazten ditu. Gure mugimendu guztiak erregistratuta utziz eta kontrol soziala indartuz, zuzenean elikatzen dugu AEBko estatu inperialista eta kapitalistaren makineria. Gure pribatutasuna azken unera arte defendatzen dugu, eta ez dugu zapalkuntzan oinarritutako sistema horrekin inolako konplizitaterik eduki nahi.
Horrez gain, bitartekari digital horiek erabiltzeak dakarren beste ondorio zuzen bat bankuen komisioak dira; transakzio bakoitzean ehuneko bat eramaten dute, zurea eta gurea den dirua poltsikoratuz. Horren aurrean, esku-diruak bitartekaririk gabeko truke zuzena bermatzen digu, herri ekonomiaren oinarriak finkatuz. Esku-diruz ordainduz, gure autogestioa eta independentzia indartzen ditugu, bankuen eta enpresa transnazionalen menpekotasunetik askatuz. Gure txosnetan, gure arauak: defenda dezagun gure proiektua eta erabil dezagun esku-dirua!
ZERGATIK?
Bankuen lapurretari planto
Bitartekari digitalen bidez, bankuek komisioak kobratzen dituzte transakzio bakoitzean, zurea eta gurea den dirua poltsikoratuz.
Kontrol sozialik ez!
Ordainketa digitalek zure mugimendu guztiak erregistratuta uzten dituzte. Defendatu gure pribatutasuna sistemaren zaintzaren aurrean.
Herri ekonomiaren alde
Esku-diruak bitartekaririk gabeko truke zuzena bermatzen du. Erabili esku-dirua gure autogestioa eta independentzia indartzeko!
BERAZ, EKARRI ESKU-DIRUA!
Lagundu gure eredua borrokatzen. Kutxazainera pasa lehenago eta etorri gurekin txosnan gozatzera.